Ida Obolo

Ikween̄-inu ebi Ijejeen̄ me Obolo Agan̄ Mbum-ura.

Me acha efit iba mè akọp (2010), ebi ikwaan̄ usem Obolo mîkaan̄ ikpele ikween̄-inu inyi ijejeen̄ me Obolo agan̄ Mbum-ura. Owuwa ebi ijejeen̄ mînu inigọọk ibọkọ ikween̄-inu ya.

Ejit ebi ìsasan̄a ikween̄-inu yi isibi ìre itatap ulọk mè efuuk me owot ebi Obolo ebi ijejeen̄ me agan̄ ya. Ikup me uyọt ibe ekejeen̄ usem Obolo me Uwu-ikpa nsabọn me otutuuk ijọn̄ obolo. Eyiyi igọọk me lek ndọmọ egonbe itap me ikpa-ida eyi òje me lek Ikan òkikpulu orọrọ geelek me ido Naijiria, ibe ke igbe ibe ejeen̄ usem ama-iman ene mè esa si usem ya ejeen̄ inu bene me lek ikpa ge si re ikpa ita, me agan̄ nsabọn. Ogwu ibot ikpulu ebi Ubọọn̄ Obolo me agan̄ Ubum-ura, Ubọọn̄ Apostle Dr O S Ukafia, înu inikpọ ebi ijejeen̄ me Ikween̄-inu ya. Môjaan̄ enenen ire ebi Obolo itet lek inye ikibọkọ ojelek ikween̄-inu òkup ìkeyi.

Ifit-ogugo keyi ikijeen̄ usini inu erọbe me ere ya.