Ntitiin̄ Ibot Acha

BỌN MÈ EBI IJEJEEN̄_rsz.jpg

Îre orọmijọn̄ ebi "Obolo Language and Bible Translation Organization" itititiin̄ ebi Obolo egwe ge me acha. Ntitiin̄ keyi ìre eyi otutuuk ene; ogwu Obolo geelek òkup me ere geelek, ebi Uwu Awaji geelek, mè ebi ichen ìkisi ikwaan̄ me Uwu Awaji geelek me Obolo, ebi mkpulu mè ebi kpere ebi mkpulu.

Me ntitiin̄ keyi ekekikpa inu geelek ofolek ikwaan̄ iwele inyi ibook ebi obolo chieen̄ me agọọk me agọọk, me ntuun̄ me ntuun̄.  Ogwu iweek irọriọọn̄ inu òkije inyi isi me ikwaan̄ usem Obolo  mônu ntitiin̄ yi.  Ogwu ikaan̄ atalek ata ekiket obokọt itap ubọk ibieen̄ ikwaan̄ yi inyi isi môkọt iche me ntitiin̄ yi. Ntitiin̄ keyi ìkakigobo isi ene igwen. Ire, etip ìkimalek ije itibi uwu Awaji.

Ntitiin̄ keyi ìkimọnọ irek me ere iba, me Agwut obolo, me agan̄ ichep-ura (Andoni LGA), mè me Okoroete, me agan̄ mbum-ura (Eastern Obolo LGA).

Eji mîkaan̄ ntitiin̄ yi me Agwut Obolo, me Andoni LGA me egwe go me nde, me akọp me usen gweregwen me emen akọp mè Onyan̄ iba, me akọp efit acha iba mè akọp mè gweregwen

( Friday 18th December, 2015). 

Mîkaan̄ si me agan̄ mbum-ura, me egwe iba me nde, ere akọp usen iba mè jaaba, me acha 2016 me Methodist Church, me Okorombokho.  Ntitiin̄ keyi igbaan̄ owu me lek, Ikup inyi owu, ogwu Obolo. Usini mgbọ òkakọt inu, ire week riọọn̄ inu etọtbe me ntitiin̄ ya mè gọọk kpọ chieen̄ tap me lek.

Usini mgbọ òkido ibe, "Mgbọ keyi mîge Ikpa Mbuban isan̄a, keke ke ebeyaka irọ?"

Ire ibe onu me ntitiin̄ ya, kè efọọk owu otu.  Ibot ibot ntitiin̄ ya ìre ifọfọọk idodo kwun̄.

Eji mîkikpọ owu chieen̄ igak!

Soso, kakilọlọ inunu òjelek ntitiin̄ keyi mgbọ geelek egwenbe owu. Onirọ.